فيك من الكلب
كل صفاته
اخدت نجاسته
وصوت نباحه
واخد كل حاجه تكسف
طب ليه ما اخدتش وفاؤه
ديلك الاعوج دليلك
حتي الكلاب مش حابينك
رمولك العضمه وسعروك
ازاي تصاحب الحرامي
وتنبح ع اللي كبروك
ليه ما اخدتش وفاؤه
كنت جرو بتحبي لسه
صوت نباحك لسه طازه
بتدور علي أي فرصه
كنت سالك ف الخباثه
والتفوق كان حليفك
كنت شاطر ف الدراسة
قدرت عادي تبيع وليفك
وتبقي الاول في النجاسة
اللي زيك لو هنرجع بالزمان
مكانك في سوق النخاسة
كلب يحرس العبيد
من الوصول للحرية
كلب يخدم أي كلب
باي عضمه تكون طريه
اي مهنه مهينه عادي
المهم يكون شبعان
ومرافق كلبه غنيه
مره كالعادة بيشمم
عجبته كلبه ارستقراطيه
عشام يثبتلها انه عاشق
وانه متحضر ومثقف
شارك في الحركة النسويه
خاين كل اصول الحب
لاعن كل قواعد الود
خاسف بيها كذا ارضيه
مكسورة عينه عشان بياع
ينفع جزمه ف عز البرد
ولما الصيف ع سيده يشتد
يقدر يفرده عادي شمسيه
فاكر نفسه عشان بينافق
هيشاوروا عليه ويقولو
انه الواد ابن الجنيه
ورغم انه اساسا كلب
مثله الاعلا علشان يعلا
تبقي القطه المشمشيه
هي يادوبك سوسو تنام
يخطف ورك من النمليه
وسط الشيوخ احسن شيخ
هتقول عنه اكبر عالم
من كتر افكاره المثالية
جرب ترميله اي عضمه
هيركب عجله روبي ويجري
رافع شعارات المثلية
بدعليك تكسب وتربح
وشايلك في قلبي امنيه
بدعليك تعيش ف الراحة
وتجرب طعم الحنيه
ومن وسط كل الجواري
يختاروك انت المحظية
ماهو طبعك ميجبش رجوله
وانا عارفك عاشق البرجوله
وبيقولوا سيدك بيراضي
وهنبارك ليله الصباحيه
مش تفرق يعني المره دي
واهو برضو تزيد الشهريه
مش فارقه ملحك من لحمك
معني الاتنين واحد (شرفك)
والذل اساسك وف طبعك
فعديها وبلاها مرازيه
واهو احسن ما يزعل منك
وينشر كل بلاويك
علي الهوا
في نشره اذاعيه
مؤسس مبدأ بلا مبدأ
زي المومس شرط أساسي
لازم تدفع
وكل ما حد يقولها توبي
تقوله هفكر حاضر وابدأ
اطلع بس معايا الليلة
وبكره هفكر بالجدية
كل ما يكبر وسخه بيكتر
لو يوهب باقي عمره بيحفر
مش هيحفر حفره تغطيه
ولا تاخد ربع الكميه
خاين عيشه وملحه راميه
ناكر فضل الكل عليه
عايش ف قصور الحرامية
عنده سجل يعر محافظه
خايف حد ينكش فيه
كل ما شي من الماضي يقرب
يسخن دمه وعينه تلون
تغلي الارض من تحتيه
ولانه منافق وجبان
من اول غلوه بيفرفر
ويسقط زي الملوخيه
لو يجي شخص شريف جنبيه
لازم ينبح برضو عليه
خايف لنظافته تعريه
متعود علي اكل الرمه
مشبعش ف بيتهم ولأعمره
كان يعرف شكل الطبلية
وعجبي ..................
--------------------------
#M.A.N
Mahmoud Hanfy
INSTA
روابط اخري للمدونة
محمود حنفي mahmoudhanfy شكل الطبلية manw23 اقتباسات خواطرflicker ابيات blogger بقلمي نثر- بوحhanfy القطه المشمشيهpinterest عامي فصحي -mahmoud hanafy-ليست كالكلمات - من وحي القلم كلماتي
